31-12-2009

大除夕...

出左去工展會行...

其實都真係冇乜野行~~

志在睇下有咩好野食!!

點知行行下~發現唔見左個電話><

好大獲~~喊左我好耐!!

個電話好貴咖~~仲只係用左幾個月喳!!

真係好唔抵!!

返到HOME...又比阿媽鬧左成個鐘!!

我簡直覺得31-12-2009係一個大凶日~~

希望新一年真係會有新既開始啦!~

30-12-2009

中同聚~~一行6個人: HENRY, ALEX, 家家, MANKI, SUKI 同埋我!!

朝早十點半左右就出發!!

去旺角唱K^^

K LUNCH真係好鬼平!!

食佢個豬扒餐既就三十五蚊埋得單^^

所以就6個人都食豬扒餐!!

有兩杯野飲....仲唱左成3粒幾4粒鐘~!!

真係幾抵!!!!

之後去左影貼紙相....真係好耐冇影過!!

對上一次應該係兩年前既事....

可能真係太耐冇去過呢D地方~~

今次再去...我地個個都覺得自己老左好多!

見到O個度個個都係十幾歲既O靚仔O靚妹~~

但我地個個都廿歲啦!!

時間真係覺得好快!!

真係影親貼紙相都好刺激!!次次都搞到好鬼熱~~

不過個過程其實幾開心~~同埋幾好玩^^

影完之後~~去左朗豪坊影相!!

D聖誕裝飾幾靚!!

我地好搞笑....連電梯都可以玩餐飽~~

成個中同聚都好好玩!!同埋好搞笑~~

希望下次既中同聚可以快D~~

期待==

29-12-2009

去左九龍灣~~

行左陣德福廣場^^

去左宜家傢俬食左個磨菇吞拿魚撻~~公主忌廉餅!!

都幾好味~~不過略嫌甜左D!!

之後去左MEGABOX睇戲....睇<<吸血新世紀II>>

原來O係MEGABOX睇戲係幾平咖~~35蚊喳~!!

雖然成齣戲都講愛情....不過有D悶!!

加上MEGABOX D凳又特別舒服...搞到我差D訓著~

之後~~O係MEGABOX繼續行~!!

等到9點鐘去德興打邊爐~~

因為9點鐘會平D...100蚊都唔洗~~仲可以任飲^^

嗌左個泡菜海鮮湯底...

個湯底泥O個時先知大獲~~因為勁辣><

下次咪搞!!

不過總括泥講係幾好味^^

我覺得咁多間任食火煱係德興最好味!!

公主忌廉餅....個樣好靚^^

磨菇吞拿魚撻

個火煱湯底D辣油...
 

27-12-2009 洛克人組聚

組聚去左科學館~~

真係好耐冇去過!!自從FORM 3之後就應該真係冇去過~!!

其實我真係幾鍾意科學館~~好好玩!!

玩左好多野~!!尤其鍾意體能測試~~(雖然我樣樣都唔多掂...><)

玩完最底O個層~~由於時間既關係~~

我地就去油麻地CAFE啦!!

玩三國殺^^

其實我成晚都唔係幾LOAD到~~

所以冇咩參與過~!!

都係吹水多~!!

不過最尾O個時...玩得幾刺激!!

昏君呢個名真係好搞笑XD

都幾好玩==

最尾交換禮物~~

我抽到個沖涼用既波波!!青蛙泥~~幾得意!!

多謝晒!!

成晚都好開心呀!!期待下一次組聚呀^^

2009 CHRISTMAS

今年既X'MAS...係咁多年泥最忙既X'MAS!!!

日日都有唔同既節目!!

<<24-12-2009>>
平安夜^^
今年好特別~
o係DISNEYLAND過平安夜~!!!
恨左好耐X'MAS去DISNEYLAND咖啦!!
朝早10點去到夜晚10點^^
行足12粒鐘~~真係勁攰~!!!
玩左好多野~~
WINNIE THE POOH....巴斯光年...
仲有玩SPACE MOUNTAIN~~
之前玩過一次咖啦~都知對於我泥講係勁刺激~~
不過係陪人玩~~
真係勁驚~~有人比我捉到隻手勁痛囉XD
但真係頂唔順~~我真係唔玩得呢D機動遊戲!!
仲有玩D我未玩過既...
史迪仔....原來係好搞笑咖!!笑死我~~
馳車天地....唔知點解玩到架車好似就泥飛出軌咁!!有少少驚驚地~~
小小世界...夜晚既小小世界真係好靚咖!!!
仲有玩左好多~~不能盡錄!!!
等睇煙花期間....收到聖誕禮物!!多謝晒呀XD
真係有少少SURPRISE咖~~
夜晚既DISNEYLAND真係好靚~~
靚到好唔捨得走~~
之後出返去旺角食野...
跟住行路落TST!!
唔知點解TST今年少左好多人...
竟然可以比我去到海傍坐O係度慢慢欣賞燈飾!!
搞到我有一刻以為自己記錯左日子...以為唔係平安夜!!
去完TST就返東涌~~
HEA到朝早去左M記食早餐!!!
真係好CRAZY~~未試過平安夜可以出街出接近廿四粒鐘!!
今年既平安夜!!真係好難忘同埋好完美^^
係我一直以泥好恨既平安夜!!
加上...上幾年既X'MAS願望終於可以成真!!
我亦都兌現到我上幾年泥既承諾!!!
真係好難得~!!
希望以後年年平安夜都可以咁啦!!
另外....仲要多謝咁多位大同...同埋中同既SMS~~
MERRY CHRISTMAS!!!

好大好高既X'MAS TREE呀^^

米妮頭^^

巡遊==

小小世界~

X'MAS仲有個特別效果~~
帶住個佢送既眼鏡~~
望任何燈都會變左雪花~~
仲有O係小鎮大街會噴雪!!

 




<<25-12-2009>>
出左ABERDEEN...
同阿姨佢地一齊食天使蛋糕慶祝X'MAS
個蛋糕真係好靚!!
之後去飲...因為有個親戚結婚!!
個婚禮都幾感動...睇到差D喊左出泥!!
係忍住唔喊喳~~
真係好鍾意見到人地結婚....
好戥佢地覺得幸福!!



偷拍對新人^^

<<26-12-2009>>
神奇4俠組聚~~
好耐冇聚過啦!!!
今次去大窩口碌齡~~
可能我真係太耐冇打啦~!!
搞到第一鋪得七十幾分~!!
第二鋪就好好多啦!!
碌多百三分出泥XD
其實我好少會碌到咁高分咖^^
都係符碌咖喳==
之後..去到食一間叫八方雲集既野~~
食水餃同窩貼~~
不過間野D野實在係好污糟~~
D人態度又好差!!
我地食到8點左右就DISMISS啦~~

(全部相偷FROM FACEBOOK....想再睇多D既就自己上FACEBOOK睇啦!!)
阿爸同仔女^^

阿媽同仔女^^

神奇4俠^^